朝上演阿甲賽事，學生隊主場迎戰葛度爾古斯，兩隊近況都未算出色，但學生隊勝在攻力不俗，前鋒查維亞哥利亞腳風順，頻頻入波，加上雙方近4次交鋒，學生隊獲得3勝1負，明顯食住對手，主勝值得追捧。（HOY聽TV聽76周二早上8時15分直播）
學生隊各項賽事遭遇兩連敗，但其實表現並唔算太差，其中聯賽作客拉魯斯，踢到比賽末段失第2球，僅負1比2，上場南美自由盃更加係踢到補時5分鐘失波，輸3比4，雖敗不辱。前鋒查維亞哥利亞上仗梅開二度，近3次上陣射入3球，中場辛達近3場亦入1球及交出兩次助攻，兩人狀態出色，應該會把握地利優勢，主動搶攻爭取重敲勝鼓。
葛度爾古斯近4場3敗
至於葛度爾古斯上場阿根廷盃大勝艾波維尼爾4比0，但對手只屬第4級別聯賽球隊，雙方實力差距太大，贏波參考價值亦唔高。睇番葛度爾古斯近4場聯賽僅1和3負，可見遇上同級別對手，立即處於下風。更何況葛度爾古斯近年一直被學生隊食住，包括今年3月主場出擊，1比2不敵學生隊，並且上半場已經落後2球，預料今仗作客更加難踢，再輸亦屬正常，主W值得捧場。