南美自由盃16強首回合上演巴甲打吡，保地花高主場迎戰彭美拉斯，兩隊互相熟悉對方打法，喺兩回合淘汰賽場合，預計首回合雙方都會有所保留，等次回合先一決勝負，主場嘅保地花高近4場自由盃全開半場和，再追半場和啱數。（周四早上8時30分開賽）
保地花高現時高踞巴甲榜首，上兩屆巴甲冠軍彭美拉斯現時排第4，今場可謂兩雄相遇，高手過招，保地花高近期成績不穩，近6場僅得1勝，當中巴西盃16強兩回合對巴希亞1和1負，遭對方淘汰出局，而且6場都有失波，今場對手實力強勁，佢哋今場當務之急就係先做好防守，避免陷於苦戰。
彭美拉斯守勢波睇定食
彭美拉斯不單係近兩季巴甲冠軍，近4屆自由盃至少打入4強，更兩度捧盃，點踢自由盃可以話有晒說明書，首回合作客更加唔使急，何況佢哋近況同樣麻麻，近6場僅1勝，一樣喺巴西盃16強出局，今場打守勢波好正路，半場和機會高。